down syndrome
down syndrome
او متلازمه داون
او بما هو متعارف لدينا ( المغوليين )
هم فئه يعيشون بيننا لهم وعليهم حقوق كثيره
امممم حاليا انا ابحث لان عندي برزنتيشن في نهاية الاسبوع القادم عن هذا المرض وهذه الفئه
لي عوده حتى اخصص ان شاء الله بوست كامل للحديث عنهم
الصمت
مدونتي الجميله ,,
عدت :$
بعد إن انقطعت فتره طويله مع ان كان عندي الكثير لأدونه 
دآئما نسمع
الصمت لغه لايتقنها الجميع ..
دائما اتأمل هالمقوله واحسها تحمل الف معنى ومعنى
سواء على مستوى حياتنا الاجتماعيه او حتى الشخصيه
فيها نواحي متعدده ومتفرعه
يمكن السائد هو ان الصمت = الغموض =ثقل الدم =الغرور
بس اكتشفت انه لغه وفن مو اي شخص يتقنه
اممممم يمكن بديت اتفسلف واجد ومو قادره اوصل الفكره اللي ابيها
بالصمت ممكن ان تحافظ على اللي تحبهم بالصمت ممكن انك تكسب الإخلاص والاحترام من الكل
الصمت احبذه واطبقه خصوصا لو كنت داخله في جدال او مع شخص مشحون بالعصبيه
اصمت ثم اصمت وبعد مايفرغ طاقته وعصبيته ابدأ وبرر او اتركه و الزم صمتك
يمكن البعض يشوف ان الصمت دليل ع الضعف بس انا اشوفه العكس
دليل ع القوه !!!
القوه في انك تمسك نفسك واعصابك وتصمت ,,لان كل شي راح يتم سواء بكلامنا او صمتنا
ماراح نغير شي وربما بكلامنا راح نزيد من تبعاته السلبيه
اني هاووو
الصمت فن ولغه لايجيده الجميع
لي قلب مايحقَد ولاَيحسَد ولاَ يغتاب.لإنْ النَاسْ مَن تخطيْ لهاَ ربٍ يجُاَزيٌهاَ../
لماذا الناس دائماً حكمهم على الظاهر او جزء من الظاهر ،، ؟؟ قد ينعتونك بما ليس فيك لمجرد شي ظاهر ..وحكم متسرع لأسباب متعدده .
يجرحونك ويكيلون عليك بوابل من الاتهامات الباطلة التي ليس لها اساس من الصحه بمجرد انهم رأوا شي ظاهر ولم يستوعبوا الجانب الخفي،.
لم يتحروا الصدق ويسمعوا وجهة نظر المدعى عليه ..
لاننا نحن العرب دائماً ننفعل ولانتفاعل ..
نبحث عن السلبيات وعن الاتهامات بمجرد اننا رأينا شي لايعجبنا دون ان نبحث ورا الحقائق
ابتكلم بالعاميه شوي ..
عندكم مثال ..قضيه في وحده من الصحف قرأناها وماجازت لنا بصريح العباره هي وابطالها وقمنا نرمي باللوم على فلان وفلانه وسويناها سالفه
بمجرد يطلع شخص آخر او خبر آخر يناقض الموضوع الاول..تعاطفنا مع اصحاب القضيه الاولى ورمينا باللوم على الشخص الثاني .؟!!
دائما حكمنا متسرع..! ولانعلم بأننا هكذا سنترك في القلوب جروحاً تنزف على المدى الطويل ..
وقد نندم على صحبتنا ومحبتنا لهم يوماٌ
وهكذا هي الحياه .. مواقف وعبر ..
ولآأدري عن آحوالك ..~
من يصدق .؟!!
يمر الوقت مآأشوفك ..و أصير../.. بلهفتي موجوع
و يمر الوقت .. “مآ أدري “
و أيام الزمن تجـري ..
ساعة بعدهـا ساعة .. !! ..
و أسبوعن وراه أسبوع ..
بعد ما كنت أشوفك,,
سبت
..
أحد ..
أثنين..
ثلاثاء ..
و اربعاء ..
و أجي طـاير ~صباح~ السبت,,
لأني فاقدكـ يومين ..
و اليوم ..
يمر السبت ..
و يروح السبت ..
و لا أدري عن أحوالـ / ـكـ ؟؟
لماذا لانفكر بشكل صحيح ؟!
عجبتني إحدى حلقات نقطة تحول
ع كثر مافيها من اطروحات
حبيت بس اعلق الحين ع موضوعنا اللي انفتح الفتره الاخيره وماظنتي بيتقفل
واخذ مجال كبير .. اكثر من حقه
الاختلاط
طبعا عجبني رأي الكاتبه حصه العون كثير كثير مع اني اختلفت معها بكم فكرره
مقارنه برأي الضيفين الثانيين اللي مااعجبني بس سمعتهم للاخير
ومثل مايقال
اذا كنت تقرأ ماتريد او تسمع ماتريد لن تتعلم ابدا
طبعاا استغربت من سؤال المذيع سعود الدوسري
للدكتوره باعشن انوو هل تتوقعين انه راح يكون هناك نقطه تحول بالسعوديه مستقبلا وتطور .؟
اسستعجب ومازلت استعجب ليش يربطون الاختلاط بالتطور .؟
انا كوحده اقرأ عن المجتمع الفلاني واشوف واسمع عن انتاجهم وتطورهم الفكري والعلمي والادبي
ماشفت أي رابط بينهم وبين الاختلاط .؟
ليش حناا صار تفكيرنا سطحي
يعني ليش الغرب او المستشرقين او العلمانين او او او تركوا كل قضآيآنا ورحوا لقضآيا الاختلاط
حسسونا ان هذا همنا كسعوديات .؟
لدرجة انووو صحيفة التايمز مسويه ريبورت او تحقيق صحفي عن هذا الموضوع
المهم ماراح اتطرق لهذا
بس انا اتساءل دائما
لماذا وضعوا السعوديات في واجهة قضاياهم .؟
حتى السي ان ان ماشاء الله شايله همنا
مقطعين قلبهاا لاننا مانسوق .؟ 
مدري اذا تدرون او ماتدرون ؟
ان الغرب الان قاموا بخطوة فصل الجنسين عن بعضهم
وحنا ننادي بالاختلاط ؟!
الان ومافيه اختلاط ومو خالصين من القضايا والمشاكل اللي امتلأت فيها الصحف والشرطه والهيئه
لحظه ابتكلم الحين بمنطقية شوي
ليش دائما المرأه السعوديه بالواجهه .؟
طيب بالدول اللي حولنا نشوف ان المرأه تعاني من مشاكل سواء العنف الاسري
الاضطهاد الوظيفي ..السياسي ..الخ
ليش ماطرحوا قضايا النساء في بعض الدول ( بدون ذكر اسماء )
اصبحن يعملن مهن غير شريفه واعذروني ع كلمة [مهن دعاره ].؟
وتتحجج الواحده منهم بان الدوله فقر ومافيه وظايف او خلونا من سالفة فقر
ان المرأه نفسها ماهي لاقيه تعيش هي واهلها ؟!
ليش هالنسب الكبيره اللي نسمع فيها عن بعض الدول وعمل نساهم بمهن غير شريفه .؟
ليش مافتحوا تحقيقات لحل المشكله .؟
ليه مابحثوا ورا الاسباب وطرق حل ومحاولة منع حدوث مثل هالمشاكل وهالقضايا بعالم عربي يغلب عليه الدين الاسلامي .؟!
يعني فيه نسساء بالدول اللي حوالينا عندهم قضايا ومشاكل كثيره ومتعدده
ولا خلاص
طلعوهم من بيوتهم واختلطوا مع الرجال .؟
وخلاص خلصت شغلتهم
ومايهم وش راح يصير من مشاكل بعد هالشي
الآن اللي ينادون بالاختلاط والله بحجة ان فيه اختلاط بالسوق
او المستشفى او ..الخ .؟
انتم قلتوها السوق .؟
الحين لو الوحده طالعة بامانه ربي للسوق
ماتتعرض للمضايقات والمعاكسات؟!
وهي فتره بتروح تتسوق وتطلع
كيف لو ابدرس معه او ابشتغل معه .؟
يعني يالاخوه السعوديين بالذات المناديين بالاختلاط بحجة
خلونا نتقدم ونتطور .؟!
ابي احد يجاوبني بس
وش هالتطور اللي نرجيه من الاختلاط ؟!
ابعرف كيف انتاج المجتمع راح يزيد من ورا هالاختلاط
كيف راح نتقدم ونكون دوله متقدمه بالاختلاط حد زعمهم؟؟
دائما تفكيرنا سطحي ومع كل صيحة وكل سالفه مشينا وراها وشجعناها
مايهمنا اذا كان هالموضوع او هالصيحه والضجه اللي صايرره تفيدنا او تضرنا
بس نبي نتكلم ونبي نعبر ونبي نتهاوش وكل واحد يبدئ رأيه بشكل سلبي ؟!
ليش نحن العرب دائما ننفعل ولانتفاعل جيدا وايجابياً ؟!
ليش أي قضية تجينا من المستشرقين او غيرهم نرحب فيها ونعطيها مجال كبير انها تتناقش بإعلامنا وصحفنا ؟!
وهي ماتستاهل منا اصلا انوو نفكر فيها ؟!
واللي ضحكني صراحه
يريدون اختلاط بالبنوك .؟
بعذر ان قسم النساء ضيق.؟؟؟!!
مدري ع كثر مااقرأ حسيت ان مجتمعنا دائرة تفكيره ضيقه ومحصوره بتوافه
( صراحه بالبنوك قسم الحريم ضيق )؟!
صراحه وصراحه …الخ
اعذار مره واهيه واعذروني بكلمة مره غبيه
وصحيح المثل اللي يقول [عذر اقبح من ذنب]
وآخر شي حبيت اوضح نقطه ..
كلنا تخرجنا من هالمدارس ومن هالجامعات( ان شاء الله قريبا) اللي مافيها اختلاط
وتخرجوا منها نساء سعوديات ومثقفات وناجحات و رائدات في مجالات علميه وادبيه وفكريه متعدده
ورفعوا رأس الوطن بدون [ تطور الاختلاط اللي يزعمونه ]
اممممممم مجرد فضفضة واختلاف الرأي لايفسد للود قضيه
وآحتريتك ..يمكن صدفة تجيبك ..~
كل شي حولي حبيبي يحتري صدفه تجيبك..
.. تقرى فيها : وش كتبت !
وكم بكيت
~، ولك نزفت !
~ ~
To be or not to be
من زمآآن عن هالمكاان ..~
<- آخر مره ( آخر يوم بإجازه الصيفيه ) =)
واحس اني متحمسه آرجع آدون بقوه 
I don’t know
anyway
السمستر اللي فات كان جدا .. جدا ضغط من ناحية المواد والدراسه والجدول ( كويزز & هومركات & آسآيمنتز& بروجيكت )
وكبرت وصرت سوفمور السمستر اللي فات 
:$
بس اكشخ شي انه ولاول مره بحياتي الجامعيه بالسنه الثالثه صار عندي اوف ولا مو أي يووم .. يوم الاربعاء
واقدر اقهرر سعبوله كل اسبوع+ فيس شرير
طبعا خلص هالسمستر بحلوهـ ومرهـ < متعوب عليها
ومن التطورات اللي صارت
جامعتنا صارت جامعه كشخه
وطلعت جداول اختباراتنا بالنت .. وبرضوو نتايجنا
وبعد بعد جداولنا
وعقبال ان شاء الله مانتطور اكثر واكثر.. وعلى الاقل نوصل لمستوى نسوي جدوالنا من النت
ونسلم من زحمة الطابور لمدة 3 او 4 او يمكن 5 ساعات امام قسم [شؤؤن الطالبات] عشان احذف ماده..او اسجل ماده
لدرجة اني حتى ماافكر اروح .. استفسر بس عن ماده ..اذا قفل التسجيل فيها ولامازال متاح من الزحمه اللي صايره
والحمد لله اني سلمت من الوقوف بذآ الطوابير..وحبيت يدي وجه وائفى .. ورضيت بجدولي وموادي
مع اني تمنيت اروح بس استفسر عن مادة الـ هيومن رآيت بس للاسف يوم شفت الزحمه قلت يابنت ارضي بنصيبك وارضي بآرابيك بروفشنال رآيتنغ وامشي
على كذا دخلنا على سمستر جديد ويحتاج مجهود اكثر
وهذا هو الجدول والمواد
مقارنه بالسمستر اللي فات افضل لانه كان ضغط
آجي للمهم
طبعا وصلني على الايميل من قروب الجامعه رآبط
بس هو عبآره عن مقآله بوحده من الصحف عن جآمعتنا وعن معاناة الطالبات فيها ..الخ
انا ماانكر ان كل اللي انقال هو حآصل بالجامعه وانهم ماقالوا إلا عن معاناه حاصله بس هم مادورا وش سبب هالمعاناه ؟ مادورا عن الاسباب وحاولوا يعدلونها ؟ مو كل الغلط نحطه على الجامعه والرولز اللي فيها ..
بس ليش مانحاول نفكر بالايجابيات دايماً لأي شي حولنا ..
انا ماانكر اني كل يوم نآطه بحلق ابوي ..الجامعه كذا وكذا وكذا واجي مطنقره ومعصبه <=مقصدي اتميلح اقوله سفرني اكمل برا خخخخ
فيقول على كثر العيوب اللي انتي تشوفينها .. ناظري للجانب الايجابي ؟
ليش تقولين جامعه مو معترف فيها او بمعنى ثاني انها مو تابعه لوزاره التعليم العالي عندنا بالسعوديه؟!
لانه كما هو متعارف انو أي جامعه مايعترف فيها إلا لما تتخرج اول دفعه وحنا محدش تخرج عندنا لها الحين
اكيد ان الهيئه الملكيه بالجبيل وبينع ماراح تضيع فلوس ع هيئه تدريس واداره وموظفين وكل شي تصرفه ع الجامعه
حتى الكتب << للمعلوميه ترا كتبنا من الجامعه
إلا وهي كافله لكم مستقبلكم إما بشركاتها او بالقطاع الخاص
والله كلام منطقي ..رآيت
يعني مو معقوله آبدفع كل المبالغ عشان ابخرج كل هالعدد من الخريجين واكدسهم عشان بس تزيد نسبة البطاله بالدوله
( وكما هو معروف البطاله تأثر بشكل سلبي جدا جدا على اقتصاد الدوله )
انا معكم بكلمة انوو الواسطات والمحسوبيه ع قولتهم ماشيه كثير بجامعتنا وفيه احيانا ظلم ..بس هذا موجود بكل مكان بالسعوديه
انا معكم انو كل يوم نظام واحيانا انظمه غبيه ..بس إلا مايجي شي يكون افضل من اللي قبله
انا معكم انو احيانا يحطون اشياء تعجيزيه وحنا دايم نفسرها انهم بيقلصون عددنا ويبون يطردون اكبر عدد ممكن
بس وحده من الاستاذات السعوديات كان تقول ( احنا نقدر نخرج دفع أي كلام عادي مو الخريجين والخريجات واجد بالدوله بس حنا نبي نخرج كفاءات صح )
يعني يبون عقولنا تصير توب توب
انا معكم انهم طفشونا وضغطونا لدرجة احس مافيه وقت احك رآسي < تبالغ
واقعد ادور اليوم اللي اكون فيه فآضيه دواره واكون في حاله تامه من الروقان
بس يمكن يمكن يكون هذا لصالحنا
لدرجة وحده يوم احكي لها عن جامعتنا وعن تخصصاتنا وان دراستنا قويه من ناحية المناهج واللغه الانجليزيه
قالت يااااااااااااااااااااااااابختكم نبي مثلكم حنا بمنطقتنا مافيه الا التربيه ومو حلوه تخصصاتها << حسسيت اننا واااو وابتمسك بهالجامعه بيديني وبضروسي بعد إذا الله اراد
ولو دورتووا بتلقون اشياء ايجابيه كثيره بهالجامعه ؟!
آتركهآ لكم لأني متيقنه بأنكم تعرفونهآ زين
كأني طولت حتسي 
خلونا ننظر للجانب الايجابي والجانب المشرق من كل شي حولنا
حتى لو ممتلئ ظلام .. لان الجانب المشرق حتى لو كان صغير إلا مايكون دليل لنا للوصول وتعدي الظلام
فتكووووو بعآفيه
Summer vacation =(
لا مااصدقش عنيآ 
الاجازه الصيفيه خلصت
للجامعيين
الاجازه الصيفيه
بعد امل اجازه طووووووويله واشاعات كثيرره
انتهت بتمديد الاجازه لطلاب المتوسط والثانوي ومن في حكمهما اسبوع
والابتدائي اسبوعين
والجامعيين بزيرو اسبوع 
<= عنصريه :@
بحجة انووا حنا عندنا مناعة قويه :$
مايدرون اني اول من يمرض بالبيت دائم وانششر الفايروس بالبيت 
واني ثاني اكثر وحده في البيت امرض بالسسنه بعد مهااوي ذات الست سنوات 
<= عجوز وقامت تتشكى
وكنت ع امل انوو نأجز إلى اليوم : )
بس الحين خلاص فقدت الأمل
واستوعبت ان بكرره دووامات وياحظي :$
واصابتني حالة اكتئاب من 3 ايام وضآق صدري ياكافي
وقاعده احسسب كم باقي ع الصيفيه
وهنوو تقول لا احسسبي على الاضحى
قلت انا ماتملى عيني إلا الصيفيه
مررررت الايااام
البيرسونآل مسج اول يوم بالاجآزه
البيرسونآل مسج اخر يوم بالاجازه
الحمد لله على العآفيه 
:+:
وقررت اني مااداوم بكره :$
واتمنى للمداومين يوماً سعيدا
قلوووووب من هنآ للمداومات 
على رأسهم خوختي و Anra
اللي بيشوفون لي موادي :$
مجرد فضفضه فضاوه : (
The end
contrast of Democracy
علماء المستقبل …؟!
من سيقودوا بلادناا للازدهار والابداع والتطور .؟!
http://www.youtube.com/watch?v=cw7vq58OrGs&feature=player_detailpage
No comment
:+:
Also, No comment
أكتوبر 6, 2009 at 12:05 ص أضف تعليقاً