الصمت

مدونتي الجميله ,,

عدت :$

بعد إن انقطعت فتره طويله مع ان كان عندي الكثير لأدونه

دآئما نسمع

الصمت لغه لايتقنها الجميع ..

دائما اتأمل هالمقوله واحسها تحمل الف معنى ومعنى

سواء على مستوى حياتنا الاجتماعيه او حتى الشخصيه

فيها نواحي متعدده ومتفرعه

يمكن السائد هو ان الصمت = الغموض =ثقل الدم =الغرور

بس اكتشفت انه لغه وفن مو اي شخص يتقنه

اممممم يمكن بديت اتفسلف واجد ومو قادره اوصل الفكره اللي ابيها

بالصمت ممكن ان تحافظ على اللي تحبهم بالصمت ممكن انك تكسب الإخلاص والاحترام من الكل

 الصمت احبذه واطبقه خصوصا لو كنت داخله في جدال او مع شخص مشحون بالعصبيه

اصمت ثم اصمت وبعد مايفرغ طاقته وعصبيته ابدأ وبرر او اتركه و الزم صمتك

يمكن البعض يشوف ان الصمت دليل ع الضعف بس انا اشوفه العكس

دليل ع القوه !!!

القوه في انك تمسك نفسك واعصابك وتصمت ,,لان كل شي راح يتم سواء بكلامنا او صمتنا

ماراح نغير شي وربما بكلامنا راح نزيد من تبعاته السلبيه

اني هاووو

الصمت فن ولغه لايجيده الجميع